O Cabaré, a festa de Swing On na que podes sacar a relucir o teu talento

Cantas? Fas maxia? Comedia? Teatro? Bailas? Tes algunha habilidade que queres mostrar enriba dun escenario? Nesta festa ti podes ser prota!!

O cabaré é una festa con solera en Swing On, é o momento anual de creatividade desmedida, de ser unha estrela, de virse arriba, de sacar as ideas tolas que temos na cabeza e facelas realidade. Pero… é unha festa swing? Cen por cen, é unha festa de baile, con DJs, salpicada de microactuacións flash diversas.

E quen pode actuar? Calquera pode propoñer unha actuación, dá igual se forma parte do alumnado de Swing On ou non, de se baila swing ou non. Podes preparar algo en grupo, en parellas, individual…

Que tipo de actuacións se poden facer? O que ti queiras, microteatro, comedia, clown, malabares, maxia, cantar, tocar, bailar, dar un discurso, facer a croqueta… Iso sí, as actuacións deben ser curtas, de máximo 4 minutos para que máis xente poida participar e que tamén poidamos ter os nosos momentos de bailes.

E se non fago actuación? Pois tamén necesitamos público! Podes ver a bailar connosco, ver as actuacións, desfrutar da música e tomarlle algo na Fabrica.

Aquelas persoas interesadas en propoñer unha actuación para o cabaret swing, poden escribir un whatsapp ao 687 711 436, hai que enviar unha breve descrición da peza, o nome das persoas participantes, e o que necesitades para a vosa actuación (un micro, unha canción en concreto, etc…) O último día para propoñer unha actuación é o domingo 21. O número de actuacións é limitado, a inscrición farase por orden de chegada das propostas