La Fábrica de Chocolate acolle o sábado 5 de xullo ás 21:30 h unha festa swing na que todo o mundo pode ser protagonista. Canto, baile, comedia, maxia… todo tipo de talentos teñen cabida. O evento encádrase no Swing On, un curso intensivo de iniciación ao Lindy Hop, ofrecido pola escola Caixa de Ritmos. Non obstante, non é obrigatorio ser parte do alumnado deste obradoiro para propoñer unha actuación.

Trátase dunha festa de baile con DJs e as mencionadas actuacións. Estas últimas deben ser breves, en torno a 4 minutos cada unha. Pódese asistir como público, ou tamén subir ao escenario para facer malabares, dar un discurso ou mesmo un microteatro.

A entrada custa 5,00 €