Celebración de fin de curso pensada para o público infantil e familiar, cunha tarde de actividades inspiradas nos bailes de graduación americanos. O evento combinará música, baile, xogos e obradoiros creativos nun ambiente festivo ao aire libre, onde os máis pequenos serán os protagonistas.

A programación inclúe animación musical, dinámicas de baile, elección simbólica de rei e raíña do baile, ademais de obradoiros para personalizar birretes e estolas. Tamén haberá espazos de pintacaras con materiais hipoalerxénicos, pensados para garantir unha experiencia segura e divertida.

Unha proposta de ocio familiar para despedir o curso escolar e dar a benvida ao verán cunha tarde de diversión en grupo.