A tradicional Festa da Sardiña da Guía regresa os días 25 e 26 de xullo á carballeira da Guía cun programa no que non faltarán as sardiñas, a música e as verbenas.

Durante a fin de semana repartiranse sardiñas e pan de millo, haberá actuacións da Banda de Gaitas de Pardavila, da Banda de Música, do grupo de canción tradicional Cernadura e da Asociación Folclórica Andarela. As noites estarán amenizadas polas verbenas dos tríos Iris e Vai Ven. O sábado tamén se entregará a tradicional Sardiña de Ouro, que nesta edición recoñecerá á Asociación de Comerciantes de Teis.