O Centro de Documentación e Recursos Feministas de Vigo organiza un novo encontro do seu ciclo de faladoiros arredor da figura da escritora e activista Begoña Caamaño. A charla, titulada Begoña Caamaño: memoria, voz e irmandade en Mulleres Nacionalistas Galegas (M.N.G.), será impartida por Luisa Ocampo.

O faladoiro abordará a traxectoria e o legado de Begoña Caamaño, así como o papel das Mulleres Nacionalistas Galegas na construción de redes de pensamento, compromiso político e memoria colectiva en Galicia.