Afundación TV emitirá o luns 3 de maio ás 20.00 h o coloquio ‘Moita poesía’, no marco do Premio de Poesía Afundación e a celebración do Día das Letras Galegas, centrado este ano na figura da poeta Xela Arias. Neste encontro, moderado por Mario Regueira, participarán dúas das figuras máis relevantes do panorama lírico galego actual: Olga Novo e Oriana Méndez, galardoadas, ambas co certame da Obra Social de ABANCA.