RíoLagares organiza un faladoiro con Xurxo Borrazás, escritor galego da chamada xeración perdida, que introduciron na literatura galega unha prosa postmoderna, que foi recoñecida polos críticos e tantas veces ignorada pola meirande parte dos lectores, que adoitan preferir produtos previamente mastigados. Narrador e ensaista, autor dunha ducia de libros (novelas, contos, ensaio e aforismos) ten acadado recoñecemento polas súas novelas Criminal (1994), Na maleta (1998) e polo ensaio Arte e parte, onde se despachaba a gusto co sistema literario galego e, en xeral,  coa cultura institucional subvencionada. Traduxo ao galego a William Faulkner e a Henry Miller. Colabora regularmente coa revista Tempos Novos.