"FADO CINEMA" de Eu.Experimento

O día 16 de decembro, ás 20h00, no Centro Cultural Portugués do Camões, I.P. en Vigo, o grupo de teatro afeccionado “Eu.Experimento” presenta a súa nova creación: ” Fado Cinema”.

Sinopse
Ano de 1921, unha remota sala de cinema no Portugal da Primeira República. En escena, o imaxinado elenco dunha compañía de teatro afeccionado e a montaxe dun filme mudo, Fado Cinema, ás portas do Nadal. Segundo momento da triloxía dos fados, iniciada en xuño de 2021 coa escenificación de Fado Transporte, a nova creación do Eu.Experimento – Grupo de Teatro Afeccionado do Centro Cultural Portugués do Camões, I.P. en Vigo propón un ensaio dramatúrgico ambientado na industria cinematográfica portuguesa dos anos 20 do século pasado.

Duración aproximada: 40 minutos.

Inscrición previa.