A Pérgola da Alameda Eduardo Cabello acolle a cuarta edición de Elas, as de Bouzas, unha exposición impulsada pola Cultural de Bouzas para render homenaxe ás mulleres que contribuíron a construír a historia da vila. Nesta ocasión incorpóranse dez novos retratos, que se suman ás trinta protagonistas das edicións anteriores, completando un proxecto que reivindica a memoria e o papel das mulleres de Bouzas. A inauguración terá lugar o 1 de agosto ás 20:00 horas, mentres que a clausura será o 29 de agosto, coa entrega das bandeiras-mural ás homenaxeadas e ás súas familias.