A mostra propón unha mirada crítica e aberta sobre o fenómeno dos videoxogos, afastándose de discursos simplistas ou alarmistas. Non se trata de xulgar, senón de comprender como se xoga e por que se xoga. A través dun formato visual con estética pixel art, a exposición presenta as distintas dimensións do videoxogo: a súa vertente cultural e creativa, o seu potencial educativo e social, pero tamén os riscos asociados ao seu uso desregulado.

A inauguración contará cunha breve presentación do proxecto e cun percorrido guiado polos paneis da exposición.