EXPOLAB 24: 'Clara'

Péchanse os actos do evento expositivo  EXPOLAB 24 “A escena, cinco anos de teatro e creatividade”, que organiza Imaxinatea Lab Creativo en Vigo,  o día 25 ás 20:00 coa representación da obra de teatro sobre a vida e feitos de Clara Campoamor “Clara”,  de Carmen Losa, adaptación do texto teatral e dirección por Eva Vila. Ao finalizar a función haberá un coloquio para afondar sobre o proceso creativo, de dirección, e actoral para levar á escena esta obra, sobre a vida dunha muller tan reseñable na loita pola igualdade de dereitos.

O acceso será libre e gratuíto ata completar aforo.