As Escolas de Patinaxe do CVC de Valladares celebrarán este venres a súa tradicional exhibición de fin de curso, unha cita na que o alumnado mostrará sobre a pista o traballo realizado ao longo dos últimos meses. A sesión reunirá coreografías, exercicios e diferentes actuacións nunha xornada pensada para compartir co público a evolución e o esforzo das patinadoras e patinadores durante a tempada.