Peques Azules conmemora o Día Mundial de Concienciación sobre o Autismo

O vindeiro sábado 18 de abril, no espazo Vigo Exporta, a asociación Peques Azules levará a cabo unha xornada especial para lembrar que as persoas autistas non son invisibles. O obxectivo principal do evento é combater a desinformación e explicar a importancia de contar con apoios especializados.

Programación da xornada:

• Punto de Sensibilización (14:00 a 20:00 h): Un espazo de encontro deseñado para compartir as reivindicacións do colectivo e ofrecer información detallada sobre o autismo.
• Actividade de Pintacaras e Creatividade (14:00 a 20:00 h): Unha proposta lúdica para fomentar a participación dos máis pequenos.
• Concurso de Debuxo “A miña visión da inclusión”:

  • Primeira quenda: De 17:30 a 18:30 h.
  • Segunda quenda: De 18:30 a 19:30 h.

Inscricións para o concurso: As persoas interesadas en participar no concurso de debuxo deberán inscribirse previamente no Punto de Información (Planta Baixa) o mesmo día do evento a partir das 16:30 h.