Esta semana o festival Sinsal activa a venda de abonos e entradas para a nova edición, que terá lugar os días 25, 26 e 27 de xullo na illa de San Simón. 

O martes 13 de maio, a partir das 12.00 horas, poderás adquirir en Enterticket o teu Abono Sinsal 2025 para gozar, ao longo de tres xornadas, da programación musical. A venda estará activa até as 23.59 horas do mércores 14 ou ata que se esgoten as existencias, algo que acontece habitualmente. O abono ten un precio desde 166,50 €.

O xoves 15, a partir das 12.00 horas, sairán á venda as entradas por día na mesma plataforma. Lembra que o transporte á illa, tanto de ida coma de volta, está incluído no prezo final, e que este varía en función tanto da data coma do porto desde o que viaxes. As entradas diarias teñen un prezo desde 60 €.

Abonos, entradas e precios
 

• O abono Sinsal con saída e volta desde o porto de Vigo terá un prezo de 180€ (máis gastos de xestión)
• O prezo do abono Sinsal do embarcadoiro de Meirande será de 166,50€ (máis gastos de xestión)
• Tanto os abonos como as entradas de día poderanse mercar, a partir do 13 de maio e o 15 de maio, respectivamente, na única plataforma oficial de venda das entradas do evento (Enterticket.es) e que terás á túa disposición nesta mesma páxina web.
   

DATA	EMBARCADOIRO	ADULTAS	MENORES
Venres 25	Vigo (12:15h-23:00h)	65€ (máis gastos)	23€  (máis gastos)
Venres 25	Meirande (13:45h-22:15h)	60€ (máis gastos)	23€  (máis gastos)
Sábado 26	Vigo (12:15h-23:00h)	70€ (máis gastos)	23€  (máis gastos)
Sábado 26	Meirande (13:45h-22:15h)	60€ (máis gastos)	23€  (máis gastos)
Domingo 27	Vigo (11:45h-22:00h)	65€ (máis gastos)	23€  (máis gastos)
Domingo 27	Meirande (13:15h-21:15h)	60€ (máis gastos)	23€  (máis gastos)

---

O festival Sinsal é un evento musical organizado pola promotora local Sinsalaudio na illa de San Simón que ten a particularidade de que o seu cartel é secreto ata o momento de chegar ao festival. Sinsal caracterízase tamén polo eclecticismo e orixinalidade á hora de programar, ofrecendo ao público propostas diferentes, vangardistas e de diferentes partes do mundo, moitas delas por primeira vez en Galicia.