ESPAZOFEST: Taburete

Taburete lanzou este ano o seu cuarto disco ‘La Broma Infinita’. Faino despois de 5 anos de experiencia, 3 discos de estudo, unha nominación aos Grammy latinos e máis do 80% das súas xiras co cartel “esgotado” colgado. No novo traballo, que xa conta con 5 millóns de reproducións, atrévense con xéneros musicais nunca experimentados pola banda.

“2018: Odisea en el Espacio”, “El Último Baile de Dunas Mitchell”, “Aberto en Vena”, “Brindo”, “Venado Tuerto”, “Calçots y Mangos”, “Salto Valcío”, “John Ford” e “Mamá” son os títulos que reciben as novas cancións de Taburete e que desde o seu primeiro lanzamento en setembro encheron as redes sociais.