Entre o 22 e o 25 de xullo, celébrase a XXXI edición do Festival Folclórico Internacional de Vigo. Este evento pretende, a través da música e a danza, achegar ao público as tradicións propias do folclore.

Como cada ano, non só participan grupos galegos senón tamén españois e internacionais. Concretamente, esta edición conta coa presenza de formacións de Valladolid, Albacete, Canarias, Angola e Eslovaquia.

A excepción do venres, as actuacións comezarán ás 21:30 h na Porta do Sol. Pola súa banda, o día 25 de xullo terá lugar o desfile de clausura, con saída desde o museo MARCO.