Con motivo do Día Internacional da Muller, o Conservatorio Superior de Música de Vigo presenta unha nova edición de SON MULLER, unha iniciativa cultural e educativa que pon o foco nas mulleres que constrúen a música en Galicia desde a interpretación, creación, investigación, pedagoxía, produción e xestión cultural. O proxecto regresa en 2026 ampliando o seu alcance cun programa que combina exposición, concertos e accións divulgativas.

A programación inclúe dous concertos baixo o título “Entre notas e silencios: Mulleres na música”, con repertorio composto exclusivamente por mulleres e interpretado por alumnado e profesorado do centro:

• 3 de marzo de 2026 ás 19:00 h — Sede da Deputación Provincial en Vigo
• 5 de marzo de 2026 ás 20:00 h — Auditorio Martín Códax do Conservatorio