MUTA organiza Ensanche de vida, unha viaxe pola historia e os sabores de Vigo, guiada polo arquitecto Nacho Hortas.

Comeza na Oliveira, ás 11:30 h, cun percorrido polo Ensanche que conta con explicacións sobre arquitectura, historia e urbanismo.

Aproximadamente dúas horas despois, a actividade continúa en MUTA coa proxección de imaxes de edificios desaparecidos e un pequeno petisco final con produtos locais da man de:

• Lamardelatas, conservas inspiradas na tradición mariñeira.
• Calabizo, chourizo vexetal baseado nunha receita galega histórica.

As prazas son limitadas, pódense reservar a través de muta@muta.gal ou chamando ao 664 697 611.