O Colexio Profesional de Xornalistas de Galicia organiza o vindeiro martes 21 de outubro o Encontro de Xornalismo Social “Somos Esenciais” para reflexionar sobre a información que dá voz aos problemas da sociedade e se pon ao servizo da cidadanía.

O acto, gratuíto e aberto para todo tipo de público, celebrarase a partir das 19.00 horas no salón de actos do Marco de Vigo (Rúa do Príncipe, 54) e contará coa presenza de Lara Graña Prieto, gañadora do V Premio de Xornalismo Somos Esenciais, así como da premiada e os finalistas das dúas últimas edicións do certame: Ángel Paniagua Pérez, Alba Chao Vázquez e Carolina Sertal Souto.