Certame de Rondallas en Beade

Arranca a tempada de rondallas este sábado co Encontro de Rondallas en Beade, organizado pola A.V.C.U. – C.S.C.R. de Beade.

O evento, que celebra o seu terceiro ano de vida, está programado para o sábado 30 de novembro a partir das 16:00H., momento no que as rondallas participantes (Rondalla do C.S.C.R. de Beade, Rondalla do CVC de Valladares e a Rondalla da S.C.D.R. Helios de Bembrive) realizarán un pasarrúas pola parroquia cos seguintes percorridos:

·         Rondalla do C.S.C.R. de Beade: dende Farmacia Tojo ata o Torreiro de Festas de Santa Ana de Beade.

·         Rondalla do C.C.A.R. Valladares: dende Materiales de Construcción Fernando Alonso ata o Torreiro de Festas de Santa Ana de Beade.

·         Rondalla da S.C.D.R. Helios de Bembrive: dende a A.V.C.U. – C.S.C.R. de Beade ata o Torreiro de Festas de Santa Ana de Beade. 

A continuación, o acto central terá lugar no Torreiro de Festas de Santa Ana de Beade, onde as tres rondallas amosarán unha demostración do seu traballo realizado ao longo de todos estes meses de ensaios.

Historia das agrupacións:

A Rondalla do C.S.C.R. de Beade conta con 28 anos de historia e, en ocasións, é acompañada polo Grupo de baile galego “Semente da Arte Galega” do C.S.C.R. de Beade.

A Rondalla do C.C.A.R. de Valladares é outra das clásicas formacións da nosa cidade que teñen participado en numerosos certames e concursos de Vigo e Comarca.

A Rondalla da S.C.D.R. “Helios” de Bembrive é unha das máis antigas e laureadas da Provincia, con máis de un século de lonxevidade (fundada no ano 1917).

NOTA: o evento pode sufrir modificacións por mor da climatoloxía.