As creadoras Hilde (de Gadea Flores) e Mariló (de Le Marché de Rachel) organizan unha tarde creativa e diferente aberta a todo o público. Durante o evento presentaranse dúas propostas moi especiais: a colección Plant Lover da ilustradora Laliblue e a colección Frida de xerras e xarróns. As persoas que asistan poderán compartir un momento de conversa, descubrir as novidades, gozar dun pequeno refrixerio preparado para a ocasión e participar en diversos sorteos, cun premio sorpresa engadido para as dez primeiras persoas en chegar ao local.