O baterista e compositor vigués Eloi Pascual, afincado en Ámsterdam desde 2017, trae por primeira vez o seu cuarteto desde os Países Baixos para presentar o seu novo disco, Movement in the Distance. Este cuarteto está formado pola pianista Chaerin Im , o guitarrista Fabien Vuattoux e o belga Matteo Mazzù. A sonoridade do grupo foi descrita como un jazz con influencias de rock sinfónico, post-rock e impresionismo.