O coro de mulleres Elasong cumpre 10 anos de historia, e celébrao o 25 de abril cun gala-concerto moi especial no Auditorio Municipal de Teis, unha data cargada de simbolismo: o Día da Revolución dos Caraveis.

Baixo a batuta de Carmen Rosende, 41 voces femininas interpretarán a tres voces clásicos inesquecibles dos anos 60 e 70. Cancións como Eternal Flame, California Dreaming ou House of the Rising Sun cobrarán nova vida nas harmonías creadas por Alberto Sánchez especialmente para Elasong.

Unha velada para celebrar a música, a liberdade e a forza de cantar xuntas. Máis que un concerto, será unha festa para os sentidos nun día que conmemora o espírito de cambio e esperanza.

Entrada anticipada 7€ e en taquilla 10€.