Na véspera dun Nadal Marie emprende unha viaxe chea de marabillas e misterio. Acompañada polo Crebanoces, enfróntase aos ratos malvados, baila entre os flocos de neve e finalmente chega ao Palacio Máxico. Alí, todos os seus xoguetes cobran vida e bailan nunha festa inesquecible.

O Ballet Clásico Internacional é unha proposta artística de Tatiana Solovieva Producciones, un equipo que leva 30 anos compartindo cos públicos de España os mellores espectáculos, respectando, honrando e divulgando a fermosa tradición do ballet clásico.

O director da compañía, Andréi Sharáyev, traballou como solista por todo o mundo, desde o Teatro Nacional de Moldavia ata o Columbia Classical Ballet. Os solistas Tatiana e Nicolái Nazachevici foron primeiros solistas no Ballet Nacional Chinés e no Ballet da Ópera de Moldavia e, recentemente, Nicolái recibiu a Medalla de Artista de Honra de Moldavia; pola súa banda, a solista ucraína Elizaveta Sávina formouse na prestixiosa Escola do Ballet Bolshoi. A compañía conta tamén con varios bailaríns graduados na Escola de Ballet de Milán, como Nicole Ferazzino, Erica Trabuio e Roberto Gadaldi.

Compra de entradas aquí