El barbero de Sevilla

‘El barbero de Sevilla’ é unha ópera bufa en dous actos con música de Gioachino Rossini e libreto en italiano de Cesar Sterbini, baseado na comedia do mesmo nome (1775) de Pierre-Augustin de Beaumarchais. A estrea tivo lugar en 1816, no Teatro Arxentina, Roma, e foi unha das primeiras óperas italianas que se representou en EE. UU. Estamos #ante unha das grandes obras mestras da comedia dentro da música. Mesmo despois de 200 anos, a súa popularidade na escena de ópera moderna testemuña a súa grandeza.

A trama relata as peripecias dunha parella de namorados: o conde de Almaviva e a moza orfa Rosina. Bartolo, preceptor da rapariga, tamén a pretende a pesar da diferenza de idade. Para evitalo, a parella válese da axuda do barbeiro Fígaro, quen mediante enredos engana a Bartolo e consegue unir en matrimonio aos namorados.

O domingo 7 ás 19:00 h no auditorio Mar de Vigo. Entradas aquí.