O 12 de agosto terá lugar un dos acontecementos astronómicos máis importantes das últimas décadas: un eclipse total de Sol, o primeiro visible desde a Península Ibérica en máis de cen anos. Galicia será, ademais, o primeiro territorio de España no que poderá observarse a totalidade do fenómeno, que terá lugar ao solpor. En Vigo, aínda que o eclipse será parcial, a ocultación do Sol superará o 99 %.

Durante uns instantes, a Lúa ocultará case por completo o Sol, facendo que a luz diminúa de forma moi notable. Para observalo con seguridade será imprescindible utilizar gafas homologadas para eclipses durante todas as fases parciais do fenómeno.

O momento de máxima ocultación está previsto arredor das 20:30 horas, pouco antes do solpor.