‘A rebelión da lectura’, que conta co apoio do Concello de Gondomar e da Secretaría Xeral de Política Lingüística, mergúllase na orixe, traxectoria e espírito de Espazo Lectura, unha das iniciativas cidadás máis singulares do panorama cultural galego.

A través de testemuños e imaxes inéditas, a película reconstrúe como un pequeno grupo de persoas voluntarias conseguiu crear, desde o Val Miñor, un ecosistema lector que transformou a relación de milleiros de persoas cos libros.

Cun enfoque íntimo e humano, o documental afonda nas claves deste proxecto: a xenerosidade canalizada polo activismo lector, a entrega do voluntariado e a concepción da lectura como unha forma de rebelión persoal e social, entendendo os libros como espazos de encontro, amizade, reflexión e comunidade.

Tras a proxección celebrarase un coloquio coas directoras.