Pablo López

Durante os meses de febreiro a xuño de 2024, o músico malagueño, Pablo López, percorrerá os máis emblemáticos teatros de España, nunha xira íntima na que fará un repaso á súa ampla discografía, e amosará en primicia as pinceladas do seu novo traballo discográfico. Pablo López non descansa, finalizada a súa exitosa xira 2023 de gran formato por España e Latinoamérica, o malagueño que acariña o piano con tanta sensibilidade como sabedoría, sorpréndenos con esta grata noticia de regresar xunto á súa banda aos escenarios no 2024 para celebrar con todo o público e os seus fans o décimo aniversario da súa carreira musical.

Pablo López artífice dunha discografía de inmenso éxito, con álbums como ‘Once historias y un piano’ (2013), ‘El mundo y los amantes inocentes’ (2015), ‘Camino, fuego y libertad’ (2017) o cinemático ‘UNIKORNIO’, ‘Once millones de versos después de ti’ (2020) rexistraron impoñentes cifras de venda, que se traduciu en xiras que presentan datos de auténtico récord. De feito, estamos ante o primeiro artista español que logrou entrar na lista Poll Star, que mide a venda de entradas a nivel mundial. Ademais, gañou premios de prestixio como o Ondas en 2021 –como Fenómeno Musical do Ano grazas á súa xira MaydayStay Tour. É unha figura moi popular en todo o país tamén pola súa participación como coach nos distintos formatos do programa televisivo La Voz.

Quedan moi poucas entradas dispoñibles para o concerto de Pablo López o xoves 14 no Auditorio Mar de Vigo, ás do venres 15 levan semanas esgotadas.