Unha ocasión para escoitar os versos de Rosalía, co gallo do día mundial da poesía, na voz de Anxo Angueira, presidente da Fundación Rosalía de Castro, poeta e profesor na Universidade de Vigo.

Neste caso, aprovéitase tamén a ocasión das Xornadas da Francofonía, que se celebran nestas mesmas datas, para ofrecer un recital bilingüe, con traducións propias da man de Alberte Alonso.

As persoas socias poden reservar praza anticipadamente, e teñen prioridade ata o venres 13 de marzo. A partir desa data, as persoas non socias poderán facer as súas reservas neste número: 659 188 988.

O aforo é reducido.