DÍA MUNDIAL DO VMP

Vigo súmase na celebración do Día Mundial de Vehículos de Movilidad Personal (VMP), que está a realizarse en máis de quince cidades en España. A concentración sairá desde os “Volcáns” en Coia (Avda. Castelao, 90) e percorrerá o carril bici ata o final da Rúa Venezuela para rematar no Concello.

Asociacións de Usuarios de VMPs en conxunto coa Federación Española de Vehículos de Movilidad Persoal ( FEVEMP), así como a plataforma “I Wheel Survive”, puxeron en marcha un proxecto de solicitude para a aprobación do 10 de xullo como “Día Mundial do VMP”, dirixido a Nacións Unidas.

O roteiro estará aberto a todo tipo de vehículos de micromovilidad, bicicletas, patíns e calquera outro medio verde de transporte persoal, con obxetivo de reflectir a diversidade actual nas rúas de distintos tipos de medios de transporte e lúdicos. A entidade organizadora sinala algunhas medidas de seguridade recomendadas para a concentración: manter a distancia de seguridade e o uso de máscaras, e a recomendación do uso de casco. Algúns dos asistentes poñerán a disposición algúns tipos de vehículos para as persoas interesadas neste tipo de transporte, co fin de que poidan probalos, tanto no punto de partida como no punto de chegada.