Con motivo do Día da Poesía, a Asociación Cultural Évame Oroza organiza, xunto ao colectivo O Fruto e a Serpe, Equinoccio, un recital poético. Este espectáculo, incluído nas sesións poéticas Animais Nocturnos, comeza cunha presentación de Elvira Jardón, continúa coa intervención da artista Nila Álvarez Pousa e remata cun micro aberto. Ademais, conta con algunha sorpresa preparada por parte da organización.

Nila Álvarez Pousa é unha poeta galega recoñecida pola súa poesía reivindicativa e feminista. A súa obra caracterízase por abordar temáticas relacionadas coa muller e manifestarse en contra da violencia de xénero. Este ano publicou o poemario O pouco tempo que nos queda, de Edicións Malafera.