O ciclo de concertos de verán en Castrelos suma unha nova incorporación internacional coa confirmación de Deep Purple, que actuará en Vigo o vindeiro 2 de xullo. Trátase da quinta confirmación e a terceira internacional, despois do anuncio do puertorriqueño Chayanne para o 30 de xullo, os irlandeses The Corrs (11 de agosto)e as actuacións de Viva Suecia (14 de agosto) e Iván Ferreiro (15 de agosto) .

Formada en 1968 no Reino Unido, Deep Purple é considerada unha das bandas fundamentais na evolución do hard rock e do heavy metal, xunto a grupos como Led Zeppelin ou Black Sabbath. Ao longo das décadas, a súa traxectoria estivo marcada por múltiples cambios de formación, sendo a máis coñecida a chamada “Mark II”, integrada por Ian Gillan, Ritchie Blackmore, Roger Glover, Jon Lord e Ian Paice. O seu son caracterízase pola combinación de riffs de guitarra contundentes, solos de órgano Hammond e unha forte pegada rítmica.

Con máis de 150 millóns de discos vendidos en todo o mundo, Deep Purple deixou unha pegada indeleble na historia da música popular. Temas como ‘Smoke on the Water’, ‘Highway Star’ ou ‘Child in Time’ forman parte do canon do rock internacional e seguen presentes nos seus directos.

• 2 de xullo – Deep Purple
• 24 de xullo – A Ópera Carmen
• 30 de xullo – Chayanne.
• 11 de agosto – The Corrs.
• 14 de agosto – Viva Suecia.
• 15 de agosto – Iván Ferreiro.

.