'De profundis'

No contexto da programación do Club de Lectura #BiblioMARCO, a Biblioteca-Centro de Documentación do MARCO organiza a proxección do filme “De Profundis”, seguida dun coloquio co seu director Miguelanxo Prado. Será o martes 29 de marzo ás 19h

Duración: 75 min.

Nominada aos Premios Goya na categoría de Película de Animación, 2006

Trailer: https://www.youtube.com/watch?v=vyhakiu4ftE

“De Profundis” conta unha historia marabillosa, onírica, con raíces nos mitos das culturas atlánticas, dos pobos asomados a este Pai Océano. Pretende adoptar a estrutura simple das narracións tradicionais e recrear as sensacións fabulosas dos contos mitolóxicos. Os personaxes principais son un pintor que soña ser mariño e pescador, e unha muller que toca o violonchelo, namorados e habitantes dunha casa no medio do mar.

O coloquio posterior contará con intérprete de lingua de signos, e durante a proxección utilizaranse mochilas vibratorias, grazas á colaboración do Concello de Nigrán na súa cesión e uso para esta actividade.