Mondo Club presenta o domingo 7 de abril un evento repleto de selectorxs de enorme calidade. Por primeira vez en Galicia, e nunha das contadas ocasións nas que se lle pode ver en España, DANILO PLESSOW (MCDE), o artista anteriormente coñecido como Motor City Drum Ensemble, despregará unha das súas irrepetibles sesións, na que mestura con ese estilo único que lle caracteriza House, Acid, Disco, sons tropicais e todas as rarezas da súa prezada colección, que consegue picar con enorme clase mentres incendia a pista de baile, como lle vimos facer en numerosas ocasións en festivais de culto como Dekmantel, Selectors, peches inesquecibles en Sónar e tantos outros… Xunto a el, a italiana afincada en Coruña Gioa e os residentes de SUB Certain People, Viktor Flores e FonKid.

De 17:30 a 22:30

Entradas