A Sala MasterClub acolle Dance4, un evento solidario que reúne DJs e artistas da escena electrónica co obxectivo de recadar fondos para axuda humanitaria en Venezuela. No cartel figuran nomes como Bruno Baw, Chemixx, Disperso Kollektiv, Gameboy, Irene Castro, Mené, Mussa C, Nenaza, Parking Dust, Pray4Hard, Sariinha, Verusk ou Zero Delay, entre outros.

A entrada require unha achega mínima de 3 €, aínda que tamén se pode colaborar con alimentos non perecedoiros, medicamentos ou produtos de primeira necesidade.