Os amantes do pop cargado de espírito DIY estades de sorte: este sábado en Maraca estará Daga Voladora que presentará Los Manantiales, un disco cheo de sons, referencias e caprichos, que crea unha atmosfera plácida.

Cristina Praza formou parte de Clovis e tamén dos Eterno, para continuar despois o seu camiño en solitario: primeiro baixo o nome de Gran Aparato Eléctrico, e agora como Daga Voladora. Así, compón, interpreta e produce o que poderiamos chamar folk-pop cósmico, plasmado en composicións que son pequenas xoias de gran impacto emocional. Ademais, vai estar acompañada por Los cuatro amigos, alias musical de Andrés Magán.