A banda brasileira Crypta regresa a Vigo dentro da súa xira internacional para presentar os temas do seu último traballo, Shades of Sorrow. Consideradas unha das formacións máis destacadas do death metal contemporáneo, o grupo liderado por Fernanda Lira chega tras actuar en festivais como Wacken Open Air, Rock in Rio ou Bloodstock.

A noite completarase coa actuación de Bloodhunter, unha das referencias do metal extremo galego. O concerto promete unha descarga de riffs contundentes, velocidade e intensidade para os amantes dos sons máis pesados.