Actividade infantil ‘Contos e conversas‘, unha sesión que combina contacontos e obradoiro. O encontro contará coa presenza de David Rodríguez, coautor do libro “Guía dos seres fantásticos que viven en Galicia sen que talvez o saibas”, quen descubrirá aos máis pequenos os segredos e trucos para recoñecer ás criaturas máxicas do noso folclore. Esta iniciativa, apoiada pola Xunta de Galicia e a Federación de Librarías, busca achegar a mitoloxía galega ás familias dun xeito divertido e participativo.