Contos arredor do lume

Unha xograresa chega co seu pandeiro coma unha ilusionista de verbas e cántigas, para invocar historias remotas e achegalas ás orellas esixentes e aos corazóns famentos. Un espectáculo de narración oral que trae contos escollidos, historias de aldea, coplas recollidas, escoitadas e inventadas pola fantasía da memoria que esperta.

Unha proposta que fala de igualdade, do respecto polo medio, as nosas xentes de agora e de antes, arredor do lume, da terra e do Magosto. Unha creación que pretende activar as lembranzas do colectivo, traída por Alba Grande.

Mércores 28 ás 12:00