Contacontos con Rena Ortega

O sábado 1 de abril, aproveitando a celebración do Día do libro Infantil e Xuvenil, teremos á escritora e ilustradora Rena Ortega facendo un contacontos do seu libro “Todo a babor! Unha pequena gran volta ao mundo”.

Para quen aínda non coñeza o conto coidamos que esta é a ocasión perfecta! Nas súas páxinas aprenderemos de maneira lúdica como foi a primeira volta ao mundo en barco pasaremos polo temido Estreito de Magalláns e coñeceremos por que se chama así, atravesaremos os océanos máis bravos e descubrimos de paso unha chea de países.

Ademais encontraredes no final un xogo de ‘busca e encontra’, coa obxectos imprescindibles dunha boa tripulante e unhas divertidas preguntas para ver canto aprendimos despois da viaxe.

Embárcate nesta aventura o 1 de abril de 12h00 a 14h00! As prazas son limitadas, polo que recomendamos que reservedes as vosas antes de que voen. Podedes ir pola libraría, escribirlles ou chamarlles ao 986276235.