O Programa Cultural Conexións leva este xoves 18 de xuño unha nova actuación musical ás rúas de Vigo coa proposta Conexións DIXIE, que terá lugar ás 12:00 horas no cruce de Miragaia con Rosalía de Castro. A sesión achegará ao público o espírito do dixie e do jazz clásico a través dun repertorio pensado para todos os públicos.

A formación estará integrada por músicos como Diego Orge á batería, David González ao trombón ou Xeila Martínez ao clarinete, entre outros intérpretes, que farán soar temas tan recoñecibles como Hit the Road Jack ou Hello Dolly. A actividade forma parte do programa impulsado pola Fundación Mayeusis coa colaboración do Concello de Vigo, unha iniciativa que busca converter os espazos urbanos en escenarios abertos onde a música e a cultura formen parte da vida cotiá da cidade.