O grupo Gospel Vida ofrecerá un concerto solidario a favor da Asociación Parkinson Vigo.

A actuación, que será no Auditorio do Conservatorio Superior de Música de Vigo, reunirá un repertorio de música góspel interpretada polo coro Gospel Vida, formación recoñecida polo seu labor musical e solidario en Galicia. A recadación do concerto estará destinada integramente a apoiar o labor social e asistencial que desenvolve a Asociación Parkinson Vigo con persoas afectadas por Parkinson e as súas familias.

Ademais, o concerto contará cunha pequena colaboración especial do coro Parkinson Canta, integrado por persoas vinculadas á asociación.