Cada fin de semana deste mes, a academia de música Compass- De Bach a Glass ofrece un concerto con artistas de prestixio no seu agradable salóin con piano de cola.

• O sábado 14 ás 12:00 h actúa como solista o pianista vigués Iván Fernádez Soto. Interpreta obras de Chopin en versión de Liszt e unha das grandes obras de Shumann, combinando a musicalidade coa literatura.

• Sábado 21 de xuño, 20:00 h: ‘Tres miradas en el tiempo. Piano, pintura y poesía en clave femenina’. Actúa Laura Zapatero-Carreiro en conmemoración de mulleres artistas como Fanny Mendelssohn, Rosalía de Castro, Cecile Chaminade, Georgia O’Keefe, Katherine Mansfield, Lina L. From Our Mind e Berthe Morisot.

• Venres 27 de xuño, 20:00 h: ‘Las mujeres en la historia de la música occidental’. Daniela Pinhel ao oboe e Ingrid Sotolarova ao piano, lembrarán a obra de mulleres como Clara Schumann, Vitezslava Kaprálová, Fanny Mendelssohn, Sofia Magrovenidou, Francisca Gonzaga, Julia María D. Vale y Piñeiro e Cécile Chaminade.

• Xoves 3 de xullo, 19:00 h: O violinista Anxo Gómez. Co acompañamento de Haruna Takebe ao piano, honra a músicos como Eugène Ysäye, Henryk Wieniawski e Felix Mendelssohn.

O aforo dos concertos é reducido e a reserva efectúase vía chamada telefónica no número 616 800 497.

O prezo da entrada, para o concerto de Iván Fernández deste sábado, é de 13,00 € para o público xeral e 10,00 € no caso de membros do Compass e menores de 25 anos.