Concerto Solidario Entreculturas: Sanny + Cometa Veintidós

A ONG con sede en Vigo Entreculturas organiza dúas actvidades co fin de financiar a construcción dunha escola en Guatemala. Os días 15 e 16 de decembro acollerán un mercado de trueque na súa sede mentres que o mércores 20

Trueque solidario

Entreculturas Vigo volve ofrecer alternativas á espiral consumista de cada Nadal e pretendemos sensibilizar sobre o coidado do medioambiente a través da reutilización, a reciclaxe, o ecoloxismo e a economía circular. Por ese motivo, esta semana, os días 15 (pola tarde) e 16 (todo o día) ofrecen un espazo para o intercambio de bens (roupa e/o calquera tipo de obxectos) no hall do edificio de Velázquez Moreno 9, onde teñen a sede en Vigo.

Poderanse realizar as entregas de obxectos e o seu consecuente intercambio desde as 16:00 deste venres 15 e ata as 21:00 h. O sábado 16 será en horario de 11:00 a 14:00 e de 16:00 a 21:00 horas. Servirá para axudar no financiamento do proxecto que este ano apoia a delegación de Entreculturas Vigo en Guatemala. Trátase da construción dunha escola na zona indíxena de Alotenango, que ademais estará adaptada a alumnado con necesidades especiais.

Concerto solidario con Sanny e Cometa veitidós

Un ano máis Entreculturas celebra o seu concerto de Nadal con música local en La Fábrica de Chocolate. Será o vindeiro 20 de decembro ás 21:00 h. Este ano con Sanny e con Cometa veintidós como artistas. As entradas están á venda por 7,00 € e tamén convidan a adquirir butaca cero a través do Bizum 03932.