Loita Amada é un proxecto xenuíno que fala de amor, loita, festa e poesía, grazas á fusión de múltiples estilos musicais que van dende a muiñeira ata o vals, pasando pola xota ou o rock máis forte. Xunto ao traballo de Jásper destaca a aportación de Nébeda, que rompe o rexistro tradicional, dotando de sentimiento e fraxilidade un produto que emana unha forza descomunal e que non deixará indiferente a ninguén.

Agora presentan o seu primeiro traballo discográfico na Sala Rebullón nunha xira que está tendo unha exitosa acollida ala onde van. A xira chámase “Amarás a loita sobre todas as cousas” e amosarnos as cancións deste disco recén publicado e hinos de loita e amor de sobra coñecidos por todas.

Sábado 25 na Sala Rebullón ás 19h.

Entrada anticipada na Cantina As Pedriñas 10€, na billeteira 12€ ou ao mail reservasrebullon@gmail.com. (Nenos gratis)