Concerto colaborativo na Sala Doppler

O venres 17 ás 21h a Sala Doppler en Rúa Martin Codax abrirá as portas ao evento musical organizado polos alumnos de Produción da EISV; unha iniciativa solidaria que busca obter recadación para a fundación IGUALARTE. Contará con diferentes e diversos artistas musicais da cidade de Vigo nun único espazo. O concerto empezará coa actuación de Sercherlios, dando paso despois a unha sesión de improvisación na que diferentes artistas locais pertencentes a grupos independentes, como Buyo, Nadie, Solinho e ST cantarán coa compañía da DJ Lu.Koala. Por último, o evento pechará a noite coa actuación do grupo da Fundación, Chungo Pastel.

As entradas poderanse mercar na billeteira ou online.