O Casino de Vigo volve abrir as súas portas ao talento da comedia local coa terceira edición de Comedia Ración, un espectáculo de stand up fresco, próximo e con identidade propia que promete non deixar ninguén indiferente.

Nesta ocasión, os encargados de encher a sala de carcaxadas serán Bruneti, Mauro Picatoste e Gonzaga, tres nomes moi recoñecidos dentro da escena humorística viguesa. Tras o éxito dos micros abertos El Chingón e Vigro Abierto, regresan cun show que combina anécdotas persoais, humor observacional e unha ollada irónica sobre o absurdo do cotián.

Mauro Picatoste mestura a traxedia de ser pai de tres fillos con cancións orixinais sobre Rafa Nadal, Vigo ou o ximnasio, todo iso cunha voz que el mesmo define como a mellor da parte occidental de Eurasia. Gonzaga achega relatos autobiográficos sobre a desesperación de existir nun mundo cutre, onde cada día sobrevivido conta como un milagre. Bruneti, ex-mago, profesor e criador de galiñas, converte o seu TDAH nun repertorio infinito de humor absurdo e lixeiramente malévolo.

Unha velada pensada para rir de un mesmo, do que nos pasa cada día e das pequenas contradicións do mundo moderno, co selo inconfundible de Comedia Ración.

Cada entrada inclúe unha caña ou refresco.

Evento exclusivo para maiores de 18 anos.

Lembra: para acceder será necesario presentar o DNI.

Entradas:

Prezo: 6,48 €