Club Faro: Ofelia Rey Castelao

O Club Faro continúa a súa programación de febreiro. As conferencias-coloquio celebraranse ás 8 da tarde no MARCO, con entrada libre ata completar o aforo de 150 persoas.

Ofelia Rey Castelao, catedrática de Historia Moderna da Universidade de Santiago, falará de “Mulleres e migracións na Idade Moderna”, o tema do que versa o seu último libro, galardoado co Premio Nacional de Historia 2022.

Terá lugar o luns, día 6 de febreiro ás 8 da tarde no Salón de actos do MARCO, presentado por Maria López Díaz, catedrática de Historia Moderna da UVigo no Campus de Ourense.