Club Faro: Alba Castellvi

O Club Faro continúa a súa programación de febreiro. As conferencias-coloquio celebraranse ás 8 da tarde no MARCO, con entrada libre ata completar o aforo de 150 persoas.

Alba Castellvi, socióloga, educadora e mediadora de conflitos, falará de “Adolescentes” e achegará claves para vivir sen tensións a etapa máis complexa do crecemento, con estratexias moi diversas que facilitarán a convivencia familiar.

Terá lugar o mércores, día 8 de febreiro ás 8 da tarde no Salón de actos do MARCO, presentado por María Ferreiro, psicóloga e psicopedagoga; directora do Instituto de Tratamento da Conduta de Vigo.