Con motivo do Día Internacional da Muller, o Conservatorio Superior de Música de Vigo presenta unha nova edición de SON MULLER, unha iniciativa cultural e educativa que pon o foco nas mulleres que constrúen a música en Galicia desde a interpretación, creación, investigación, pedagoxía, produción e xestión cultural. O proxecto regresa en 2026 ampliando o seu alcance cun programa que combina exposición, concertos e accións divulgativas.

O 4 de marzo ás 12:30 h presentarase o proxecto ClarinElas no Conservatorio, unha iniciativa de clarinetistas profesionais para reflexionar sobre a presenza das mulleres na música profesional. A actividade combinará concerto, presentación e coloquio aberto.